Monday, October 23, 2006

عيد سعيد



السلام عليكم
ازيكم , عاملين ايه؟ , ادعوا الله ان تكونوا جميعا بخير و تكونوا فعلا استفدتم من رمضان كله و خاصة هذه الايام الاخيره , خلاص باقى ساعات و دقائق و يخلص هذا الشهر الكريم , يا ترى لسه فى حد منا لم تعتق رقبته من النيران بعد؟! , ادعوا الله ان نكون جميعا اعتقنا من النيران , و اخر امل لنا نتمسك به هى هذه اللحظات , التى يمضيها البعض فى البسكويت و الكحك و الاخر فى المبالغه فى الاهتمام بملابس العيد , يا جماعه اشتروا لبس العيد و اعملوا كحك و بسكوت بس متبلغوش فى هذه الاشياء و خلوا القلب موصول بالله حتى فى مثل هذه الاشياء , اذكر نفسى و اياكم ان ليلة العيد دى فرصه لمن لم يغفر له ان يغفر الله له , و طبعا هذه الفرصه للكل لان مفيش حد واثق ان اتغفر له , طبعا احنا بنظن فى الله خيرا و نظن فيه ان يغفر لنا و لكن العاقل هو الذى يستغل الفرصه الى اخرها مادامت لم تنتهى بعد , عشان كده باقول انها اخر امل لينا كلنا , ليلة العيد دى من احياها لم يمت قلبه يوم تموت القلوب , و هذا ليس كلامى انما كلام الحبيب المصطفى " صلى الله عليه وسلم" , فكل عام و انتم بخير و مش عايزه اطول عليكم اكتر من كده بس دى كانت تذكره لابد منها , تقبل الله منا و منكم هذا الشهر و اعاده الله علينا اعوام عديده . هذه التهنئة منى و من محمود لكم جميعا , فكل عام و انتم بخير

13 comments:

Anonymous said...

كل عام و أنت طيبه
ولفته جميله تذكرتنا بأن أيام العتق لم تنتهى بعد

يا مصر اكتب إليكي رسائلي said...

الأخت العزيزة
كل عام وانتم والأسرة الكريمة بكل خير وسعاده وعيد سعيد عليكم كلكم يارب اعاده الله علينا وعليكم بالخير واليمن والبركات وأشكر لكم سبقكم . كل عام وانتي بخير تقبل الله اعمالنا جميعا يارب وغفر ورحم

^ H@fSS@^ said...

كل سنة وانتي طيبه يا مسلمة
و شكرا لتذكيرك لينا بالمفروض عمله
تحياتي

Anonymous said...

happy eid to all muslims

محمد البرلسى said...

السلا م عليكم
جز اكى الله خير ا يا مسلمه
كل سنه وانتى ومحمود والاسره بكل خير والمسلمون با فضل حا ل
تحياتى لدعوتك
وربنا يزيدك

مـحـمـد مـفـيـد said...

اسف جد ا علي التاخير
كل عام وانتي بخير

ALiaa said...

أنا لسة ما شتريتش لبس العيد:(
تفتكري ممكن ألاقي بعد العيد؟؟:)
كل عام و انتم بخير

أجدع واحد في الشارع said...

كل سنه وانتو طيبين جميعا
وكل سنه وانتو بالف صحه وسلامه
وعيد مبارك
وتعالو شفو الجديد

Ehab said...

دايما كده سابقينا و مهنين قبل اي حد تاني
كل سنه و انت طيب يا محمود
كل سنه و انتي طيبه يا مسلمه

مـحـمـد مـفـيـد said...

اسال الله عز وجل ان نكون من عتقاء الشهر الكريم
وكل عام وانتم بخير

Anonymous said...

كل عام وانتم بخير وتقبل الله صيامكم وقيامكم وان شاء الله واسعدكم الله في العيد ان شاء الله وان شاء الله نقضي العيد الجاي ومصر بدون اي فرد من آل مبارك

islam said...

السلام عليكم ورحمة الله وبركاته

عود حميد, وعيد سعيد إن شاء الله ورمضان متقبل منا جميعا وثبات بعده وزيادة فى الطاعات .... آمين

السلام عليكم ورحمة الله وبركاته

Diyaa' said...

انا عملت شغل ونوم
كل سنة و أنتي في عيد
والبوست ده أجمل عيدية منك لينا ..
ربنا يتقبل من الجميع