Monday, September 18, 2006

مرارة

كنت سائرا في الطريق شاعرا بانهاك شديد فاليوم كان صعبا و مليئا بالهتافات داخل اروقة المسجد الازهر منددة بتصريحات ذلك الاحمق...
كان الجو حارا بشدة تأملت ما معي من جنيهات قليلة فوجدتها تكفي لأخذ تاكسي حتى منزلي ...وقفت اشاور لاول سيارة تاتي ظللت مدة لا باس بها لا اجد من يعبرني حتى جاء هو ...جلست بجواره في المقعد الامامي شارد الذهن قليلا اتأمل الطريق ...حتى سمعته يتكلم نظرت له تقريبا لاول مرة ...كان شابا ضخم له لحية خفيفة ....هززت راسي له مرة بمعنى اعد ما قلت ثانية فقال "انهاردة خدت تهزيء لما كنت عاوز اولع في نفسي " تعجبت مما قال فقلت له خيرا ليه كدة بس فقال "كنت واقف في الطريق والله بنزل زبون بكل احترام وواقف على جنب ماخدتش خمس دقايق وفجأة لقيت الظابط جي انت يا حمار يا بن ال....ايه اللي موقفك امشي يا بن ال ...من هنا يالا" نظرت له فوجدته متأثرا جدا اخذ يقول "ليه بيشتمني ليه انا عملتله ايه وهو ليه ايه عندي عشان يشتمني هي بلد وسخة اصلها ....." هنا نظرت في عينيه فوجدتها تترقرق بدموع قليلة ....كانت نبرة صوته مليئة بالمرارة الشديدة مما جعلني انا شخصيا اشعر بشيء يضغط على نفسي ...اخذت اهون عليه و لكن بدون فائدة ....ثم قال هما ليه بيعاملونا كدة هم عملوا ايه للبلد عشان يعاملونا كدة هو احنا لاقيين ناكل....و انا غلطان اني سكت هو في ايه بعد التهزيء في ايه تاني ليه اسكت انا عاوز اضرب نفسي ميت جزمة اني سكت...بعد هذه الثورة و جدته يقول ...و بعدين يعني اضربه و اروح في داهية هاتفرق ايه إذا سكت ولا اتكلمت....تعجبت من خمود ثورته و تبدل حاله من الثورة و الغضب من نفسه إلى سكونه بمرارة و بكاء داخلي صامت ....لماذا يحدث هذا لماذا هذه الكراهية التي تنطلق ضد الجميع من اجهزة الامن ...هل الهدف ان نكره البلد ...هل الهدف هو قتل كرامتنا فرضى بالسكون في مرارة حقا لا ادري كل ما اعرفه و اراه هو ان الكل الان صار يتوقي للحظة الحرية ....فهل ستأتي ام لا...

4 comments:

Abd El Rahman Gado said...

انا عندي سؤال بره الموضوع خالص

مين بهاء فزاع اللي صورته في مدونتكم؟

وبعدين مش ابو اسلام افرجوا عنه من زمان ودلوقتي بيعمل قناة فضائية؟

محمود said...

السيد بهاء فزاع هو احد اعضاء حزب العمل المهتقلين حتى الان وهو امين حزب العمل بملوي......
اما السيد ابو إسلام فعلى ما اعرف تم اعتقاله مرة اخرى...
شكرا على الاهتمام
سيدي الشاعر عبدالرحمن.اليس كذلك

moslma said...

السلام عليكم
استاذ عبد الرحمن عندنا , يا مرحبا بيك و بأهالى المحروسه الكرام

Abd El Rahman Gado said...

ربنا يكرمكم

معرفش بصراحة بهاء فزاع ومستغرب ليه موقع حزب العمل مش حاطط له بانر وليه مش بنسمع عنه طالما لسه معتقل ، النهاردة اكيد هقابل اصدقاء في حزب العمل ان شاء الله يمكن الاقي عندهم تفسير

بالنسبة لابو اسلام فمعلوماتي انه افرج عنه من زمان ودلوقتي بيعمل قناة فضائية خاصة بالتعريف بالاسلام وما يشبه المناظرات مع اصحاب الديانات الاخرى وخلص اجراءتها ومحدش راضي يوافق له عليها .. بس الراجل اطلقوا سراحه خلاص