مهما يعملوا بنحبها

مهما يعملوا فينا
بنحبها
دا عالجبين ملامحها
يشهد على حبها عروقنا
تدعى ليها قلوبنا
ربنا يخليها
يحفظها
احنا ليها لعيونها
و الى اختار غير كده
و عايز يخدك مننا
يبقى خاين بعيد عننا
ولا عشان السياده
و الرياسه
خلوكى مش ملكنا
ازاى و انتى وهبه
نفسك لينا كلنا
عشان كده

هندافع عنك بروحنا
و فيكى تروح نفوسنا
دا حبك والله من دينا
و عن شعبك الرسول وصى
و اسمك فى القرآن خلى
مكانتك تزداد شرفا
و كله يهون علينا
ما احنا ماشين و الدنيا هنسيبها
لكن انتى يا غاليه
باقيه
لحد ما يأذن المولى
و تقوم القيامه
فان كنا من اهل الجنه
هنطلب ترابك يا زينه

و نقول يا رب خليلنا
مصر فى الجنه
دى كانت فى الدنيا جنتنا
و من حقها علينا
اننا نطلبها

و نقدم ليها جزء من جمايلها